Song 1 《咪瞓咁耐》
作曲：彭俊傑
填詞：陳文剛
唱：M.O.M.、Kim、高高
M：夠鐘喇，咪又賴床，鳥語花香，確定天光。夠鐘喇，別回望，再見黑暗又天光。
K：但睏倦，異常狀況。
M：夠鐘喇，馬上落床，刺眼金光，照耀東方。咪偷懶，夠鐘喇，晨運每天，更健更康。
高：咪咁高音，細聲唔該。
K：發緊個，極美夢，冇法可抵抗。
高：瞓多覺，係盼望，懶你天際突然又發光。
K：C朗。
K/高：夢境係美麗烏托邦。
M：再偷懶，繼續賴床，似隻豬咁，懶惰骯髒。要纖瘦，定肥胖，你要可愛定不安。
K：若太胖，極其受創，我需要，運下動，瘦瘦先好看。
高：叫醒我，亦冇用，我會虛脫令全日泡湯。
K：收檔。
M/K：夠鐘喇，馬上落床，刺眼金光，照耀東方。咪偷懶，扮傻戇，你/我要可愛就盡力創。
高：收聲，唔該。
Song 2 《七彩早餐》
作曲：彭俊傑
填詞：陳文剛
唱：M.O.M.、Kim、高高
M(Rap)：
12月24就係今日，
早餐食嘢唔使講一定要充實，
我煮早餐確實萬無一失，
美味分數突破120。
你想食乜就有乜，
不過天然最適合。
雞蛋牛奶雞肉有蛋白質，
高纖麥皮有豐富碳水化合物，
三文魚加埋美味檸檬香草汁，
Omega Three咁就唔會缺乏。
多啲食水果，便便自然冇咁實。
Kiwi蘋果啤梨菠蘿西柚提子柑桔，
維他命就係嚟自唔同嘅食物。
食嘢飲水必定要記得，
𡁻爛食物先至好吞，千祈唔好心急。全部有機嘅食物，
食完身體強壯自然肌肉結實。
（唱)
M：
我要你兩個快快脆脆變高，
個個見到會讚你兩個身高。
我最會計數，吃喝要識滋補。
你兩個切記永遠要戒雪糕，
咪要我變到每次絮絮叨叨。
照顧你兩個，我當你家中寶，最好。
C：我最愛最愛法國秘製蟹湯，似有四隻蟹兩下喝過清光。
K：我理性已喪，最愛嘅香蕉糖，太爽！
M：全部係化學物，最冇益既說謊。
K：我太愛太愛淡奶軟軟雪糕，每次試過會發覺我更風騷。
C：派錯晒喇喂，押尾至好出糖、雪糕。
M：全人造加色水，毫無健康可講乜都冇。
M：食有機嘢身體好人長壽。
K：美味夠脆口真香炸雞。
C：辣醬肉碎厚批。
M：內裏一切實太曳，塑化劑。
C：兩啖就覺得腸胃脹咁滯。
K：再食隻醉雞。
M：隨時隨地報廢。
C：你咪再理我，你到遠處坐低。我要再試試趣怪醬爆雞批。
K：我要再試試美國嘅烤豬手，最威。
M：全部係化學物，吃太多變吃虧。
K：我再懶理你，我要再試咖喱。我要告訴你，吃喝我已識飛。
C：你計數有錯，上網去搵資料，快啲。
M：完全係你決定，我已經通通講清楚晒，不聽我講欠乖。
Song 3 《上網上足一天》
作曲：彭俊傑
填詞：陳文剛
唱：M.O.M.、Kim、高高C
C：我要上網上足一天，同時亦望住世界變，要與網友創出新天，竭力奉獻。
K：星空中穿梭苦戰，必須艱苦去訓練，個個網友同步上線，已約每天再見。
M：若迷電競，小心會黐線，眼澀夾腰痛，何來強健？
C：說過再說有三千天，何煩悶實在永無變。上網買嘢快速新鮮，隔日就見。
K：吱吱咗咗真討厭，天天都講到冇電，世界太快時局會變，上網已經看見。
M：互聯在線，虛假有呃騙。與老友多見，濃情才現。
K：我已有正確信念，天天專心打機終身不變。
C：我要爆機升呢千千遍，世界到我最堅。
M：AI驚世改變，班細路已發癲，望見都抖顫。
Song 4 《跟住我條尾》
作曲：彭俊傑
填詞：陳文剛
唱：GRINCH
白：Kim、高高C
G(唱)：
天天新鮮夠晒驚喜，
冇嘢可比常回味，
日夜鍛鍊學習飛，
要快快準備。
K(白)：咁係點玩法先？
G(唱)：別太着急，點去學飛。
C(白)：我哋要做啲咩呀？
G(唱)：像慣例去打機。
K(白)：咁好容易啫
C(白)：我哋最拿手。係咪要跟你行出去？
G(白)：No！
G(唱)：不需出街家中隨時離地。
C(白)：隨時離地？
K(白)：隨時離地？
G(唱)：彷彿到處飛天永遠冇道理。
C(白)：玩到識飛？咁咪好正？
K(白)：快啲教我哋玩。
G(唱)：跟住我條尾！跟住嚟！
G(唱)：跟住我條尾！
C/K(Echo唱)：跟住你條尾！
G(唱)：跟住我條尾！
C/K(Echo唱)：跟住你條尾！
G(唱)：跟住嚟！
Song 5 《尋找伯利恆》
作曲：彭俊傑
填詞：陳文剛
唱：Angel/CoCo高高
A/C：氹氹轉，最終在哪方。
C：初雪驟降。
A：靠在我旁。
C：再前往，前路不知境況。
A：信念有光，看着晚星盼望。
A/C：有事發生，路遙極遠沒有燈，我亦要找伯利恆，可有將信心送贈。
A/C：仍無畏，冷風像刺針。
C：天晦地暗。
A：繼續進行。
A/C：不怕路遠，星似晚燈，靠自信心。
Song 6 《如今常存在》
作曲：彭俊傑
填詞：陳文剛
唱：Angel
能夠信一點愛
求世界不再有災
避開
離開
人間病苦與意外
前面新世代
美好敞開
盼所有目標
讓愛永在
求你我得到愛
期盼會酸苦離開
是非
難關
某一天已不再
只懂愛
Song 7 《Jingle Bell Rock》
Song 8 《如今常存在 Reprise》
作曲：彭俊傑
填詞：陳文剛
唱：M.O.M./Kim/Coco高高
Kim/Coco：
能夠信一點愛
求世界不再有災
避開
離開
人間病苦與意外
前面新世代
美好敞開
盼所有目標
讓愛永在
M/K/C：
求你我得到愛
期盼會酸苦離開
是非
難關
和你讓一切意外
用改變充滿精彩
充滿真愛
Song 9《We wish you Merry Christmas》